“Ёш геолог” жамоаси иштирокчилари ва ташкилотчиларини самимий муборакбод этиб келгусида янги зафарлар ва ютуқлар тилаб қоламиз. Қозоғистон Республикаси “Жас геолог” Корпоратив фонди томонидан Қозоғистон Республикаси Акмола вилоятининг Боровое шаҳрида бўлиб ўтган навбатдаги халқаро ёш геологлар олимпиадасида Давлат геология қўмитаси томонидан “Ёш геолог” жамоаси иштирок этди. Олимпиадада қатнашган барча 16 жамоа ичида Ўзбекистон Республикаси “Ёш геолог” жамоаси муносиб иштирок этиб, умумжамоа ютуқлари билан фахрли 3-ўринни эгалладилар.