2023-yil 30-sentabr Tog‘-kon sanoati vazirligining tizimosti korxona va tashkilotlari xodimlari o‘rtasida futbol bo‘yicha “Geologiya vaziri kubogi”ning final uchrashuvi bo‘lib o‘tdi.

Dastlab 3-o‘rin uchun bahsda «O‘zmetkombinat» AJ jamoasi Geologiya fanlari universiteti vakillarini taslim etdi.

OKMK va «Navoiyuran» DK jamoalari o‘rtasida kechgan final o‘yinida esa olmaliqliklarning qo‘li baland keldi.

Stol tennisi musobaqalarida ham OKMK vakili J.Abdurazzoqov 1-o‘rinni egalladi.Shaxmatda «O‘zbegidrogeologiya» DM xodimi Sh.Hatamov, xotin-qizlar o‘rtasida badminton bo‘yicha sport musobaqalaridagi chempionlik esa «O‘zbek geologiya qidiruv» AJ xodimi F.Anvarovaga nasib etdi.

Musobaqalarda faol ishtirok etgan eng yaxshi futbolchi, darvozabon, Fairplay namoyish etgan jamoa, eng yaxshi murabbiy kabi nominatsiyalar bo‘yicha rag‘batlantiruvchi sovg‘alar o‘z egalariga topshirildi.